Հարցազրոյց ՍԴՀԿ Կեդրոնական Վարչութեան Փոխատենապետ, Լիբանանի Խորհրդարանի անդամ Ընկ. Սեպուհ Գալփաkեանի հետ

sebouh-kalpakian

Հ.- Վերջին շրջանին Ազրպէյճանի կողմէ կատարուած հրադադարի խախտումները եւ սադրանքները դարձած են յաճախակի: Ի±նչին կը վերագրէք ապահովական իրավիճակի ծանրացումը Ղարաμաղեան սահմանին վրայ:

Պատ. Անսպասելի կամ արտառոց ոչինչ կը գտնեմ հոս:  Ես ՍԴՀԿ-ի կողմէ տանամեակներով հնչեցուած  բազմաթիւ օրինակներ կրնամ բերել, ուր հստակօրէն  արտայայտած ենք այս հարցին հետ կապուած մեր դիրքորոշումը:

Սակայն, քանի որ հարցը համազգային գերակայ խնդիրներէն մէկուն կը վերաբերի, նախընտրելի է միայն մեր կուսակցական կեցուածքին վրայ չկեդրոնանալ: Թէ Հայրենիքի եւ թէ Սփիւռքի մէջ` hamacovmarnyrov կամ այլ պաշտօնական հանդիպումներու ընթացքին, մենք միշտ ըսած ենք, թէ Հայոց Ցեղասպանութեան հարիւրամեայ տարելիցին մօտեցնող իւրաքանչիւր օր, ա’լ աւելի պիտի սաստկացնէ թուրք-ազերի սադրանքներուն ընթացքը:  Եւ, եթէ հարցին նայինք ա’յս իրողութենէն ելլելով, ապայ հայ-ազերի սահմանային լարուածութիւնը ընդամէնը մէկ մասն է այն սադրանքներուն, որոնք միայն իրեն յատուկ յամառութեամբ կը կիրարկէ թուրք-ազերիական դաշինքը: Ակնյայտ զեղծարարութիւններու եւ քաղաքական աճպարարութիւններու միջոցով γÉÇ÷áÉÇÇ ճակատամարտին օրը Ապրիլի 24 տեղափոխելը, Էրտողանին շողոքորթ հրաւէրները, վարչապետ Տաւուտօղլուին յայտարարութիւնները եւ Ալիեւի կամակոր յոխորտանքները նոյն հարթութենէն կու գան:  Որպէս հայ մարդ եւ որպէս քաղաքական գործիչ, ես պարզապէս հպարտ եմ, որ մեր սահմանապահ զօրքերը արժանի հակահարուած կու տան այսօրինակ ոտնձգութիւններուն եւ անոնց կողմէ հրահրուած եւ ոչ մէկ սադրանք կը մնայ  անպատիժ: Ինչ կը վերաբերի հակառակորդի քայլերուն, ապա հոն ոչինչ կայ  նոր` նոյն ձեռագիրն է, իսկ այդ ձեռագրին, ցաւօք, քաղաքակիրթ աշխարհը շատոնց ծանօթ է:

Հ. Ձեր կարծիքով ի±նչպիսին կրնան կրնան ըլլալ յետագայ զարգացումները:

ՊատՆախ եւ առաջ  ատիկա աշխարհաքաղաքական որոշ գործոններէ կախեալ է, ինչպէս նաեւ  Ատրպէճանի մէջ տիրող քաղաքական  անկայուն վիճակէն: Որքան ալ գերտէրութիւնները այսօր  կողմնակալ ըլլան եւ իրենց տարածաշրջանային շահերը հետապնդեն, միեւնոյնն է, քօղարկել եւ չանդրադառնալ Ատրպէճանի մէջ տիրող քաղաքական ճգնաժամին` չեն կրնար: Նախագահ Ալիեւին ուղղուած Ամերիակայի Միացեալ Նահանգներու եւ եւրոպական գերտէրութիւններու պաշտօնական նախազգուշացումներն ու վերջնագիրները այդ հարթութենէն կու գան: Անոր ուրիշ բան չի մնար ընել, քան ամէն անգամ շահարկել արցախեան խաղաքարթը: Առաջ ատիկա որոշ չափով կազդէր, սակայն հին ու յայտնի ճշմարտութիւն է` ժողովուրդը կաերլի չէ անընդհատ խաբել: Վերջին քսանհինգ տարուան ընթացքին այդ նոյն երգը տարբեր երանգներով երգեցին Ատրպէճանի բոլոր նախագահները, իսկ անոնց ճակատագրին մասին կարծեմ  բոլորը գիտեն:  Այս մէկն ալ այդ շարքին մէջ, վստահաբար, բացառութիւն պիտի չկազմէ: Այսօր ԱՄՆ-ը, Ռուսաստանն ու եւրոպական գերտէրութինները  քաղաքական աւելի բարդ գործընթացներու մէջ ներգրաւուած են եւ չեն ուզեր յստակեցնել իրենց դիրքորոշումները, սակայն  հանգուցալուծումը հետու չէ: Ամէն պարագայի, ինչ կը վերաբերի Արցախին, այդ մասին երկու կարծիք չկայ: Արցախը կայացած անկախ պետութիւն է, եւ որեւէ այլ տարբերակ, պարզապէս կը բացառուի:  Ասիկա ոչ թէ պարզ ցանկութիւն, այլ պատմութեան նմարօրինակ այլ հակամարտութիւններու համեմատութեամբ` քաղաքական սթափ վելուծութեան արդիւնք է:   

Հ. Ըստ Ձեզի, որո՞նք են արցախեան ազատամարտի հիմնական նուաճումները:

Պատ. Արցախեան Ազատամարտի նուաճումները թէ բարոյական, թէ հոգեբանական եւ թէ քաղաքական իմաստով այնքան շատ են, որ զրոյցի մը ընթացքին դժուար է բոլորին անդրադառնալ, բայց փորձեմ գոնէ թռուցիկ` նշել գլխաւորները: Քսաներորդ դարավերջին, հայ ժողովուրդը վերջապէս կրցաւ փշրել թուրք-ազերիական անպարտելիութեան մասին գոյացած կեղծ առասպելներու ողնաշարը, եւ դանդաղ, բայց հետեւողական սկսաւ ձերբազատուիլ պարտուողի իր բարդոյթէն:    Ցեղասպանութիւն վերապրած ժողովուրդի մը համար ատիկա մեծագոյն յաղթանակ էր եւ անշուշտ` յետագայ բոլոր յաջողութիւններուն  ամուր հիմքը: Չափազանց կարեւոր է նաեւ բռնազաւթուած տարածքներուն վերադարձը, մանաւանդ, որ  ատիկա առաջինը եղաւ վերջին կէսհազարամեակի ընթացքին:

“Լաւ սկիզբը յաջող գործի մը կէսն է”,- կ’ըսէ հին իմաստութիւնը: Այդ “յաջող սկիզբի”-ն հիմը դնելու համար հազարաւոր հայորդիներ իրենց երիտասարդ կեանքերը զոհաբերեցին: Մեր հերոսներու շիրիմներուն լուռ ու երախտապարտ մեր խոնարհումը բերելէ ետք` յիշենք նաեւ, որ յաջող սկիզբը վերջնական յաղթանակներու գրաւականն է, իսկ այս ճամբուն վրայ մենք դեռ շատ ընելիքներ ունինք, ինչպէս որ շատ են արհեստական խոչընդոտները: Մեզի պարտադրուած արցախեան պատերազմը եւ մեր  փառահեղ յաղթանակը լաւագոյն ապացոյցն են այն բանի, որ եթէ կայ կամք, վճռակամութիւն եւ գերագոյն նպատակին հասնելու բռունցքուած ազգային միասնութիւն, ուրեմն  անանցանելի արգէլքներ ու խոչընդոտներ` պարզապէս չկան:

YERIDASART HAYASDAN

 

0 Comments

Leave a reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

CONTACT US

We're not around right now. But you can send us an email and we'll get back to you, asap.

Sending

©2017 SDHP

Log in with your credentials

Forgot your details?