ՍԴՀԿ-ի Կեդրոնական Վարչութեան ատենապետ Յակոբ Տիգրանեանի հանդիպումները Լոս Անճելըսի մէջ

Չորեքշաբթի,  Յունիս 10-ին  Սոցիալ Դեմոկրատ Հնչակեան Կուսակցութեան Կեդրոնական Վարչութեան ատենապետ Յակոբ Տիգրանեան, ընկերակցութեամբ ՍԴՀԿ Արեւմտեան Ամերիկայի  Վարիչ  Մարմինի ատենապետ Գաբրիէլ Մոլոյեանի , Վարիչ Մամինի  փոխ-ատենապետ Սուրէն Խուտանեանի եւ “Մասիս”  շաբաթաթերթի խմբագիր Արշակ Գազանճեանի, այցելեցին Հայաստանի Հանրապետութեան Լոս Անճելըսի Հիւպատոսարան, ուր ընդունուեցան հիւպատոս Վալերի Մկրտումեանի եւ հիւպատոսի օգնական Արտակ Գալստեանի կողմէ: Հանդիպման ընթացքին ընդհանրապէս քննարկուեցան սուրիահայութեան դիմագրաւած դժուարութիւնները:

SDHP-ConsulateՀնչակեան  պատուիրակութիւնը  ապա  այցելեց Հայ Աւետարանական Համայնքի Կեդրոնը, ուր ընդունուեցաւ Վերապատուելիներ, Հէնրիկ  Շահնազարեանի, Վաչէ Էքմէքճեանի, Գէորգ Թերեանի եւ Տիգրան Շանլեանի կողմէ: Մտերմիկ զրոյց տեղի ունեցաւ հայութիւնը յուզող ընդհանրական հարցերու շուրջ:

Նոյն օրը, Ընկ. Յակոբ Տիգրանեան, ընկերակցութեամբ Հայ Ամերիկեան Խորհուրդի ատենապետ Սեւակ Խաչատուրեանի, այցելեց Կլէնտէլի Քաղաքապետարան, ուր ընդունուեցաւ քաղաքապետ Արա Նաճարեանի եւ քաղաքապետական Խրհուրդի անդամ Վարդան Կարապետեանի կողմէ:

Հանդիպումի ընթացքին ՍԴՀԿ ատենապետը մօտէն ծանօթացաւ ու տեղեկութիւններ ստացաւ հայաշատ քաղաքի մասին:

0 Comments

Leave a reply

Your email address will not be published. Required fields are marked *

*

CONTACT US

We're not around right now. But you can send us an email and we'll get back to you, asap.

Sending

©2021 SDHP

Log in with your credentials

Forgot your details?