Հնչակեան Քսաններու Նահատակութեան Նուիրուած Գիտաժողով Երեւանի Մէջ

20-Conference-1

Յունիս 15-ին Հայաստանի Հանրապետութեան  «Գիտութիւնների Ազգային  Ակադեմիա»ի  նախագահութեան նիստերու  դահլիճին մէջ տեղի  ունեցաւ     գիտաժողով   նուիրուած  ՝Հնչակեան Քսաններու նահատակութեան 100-րդ տարելեցին:   Գիտաժողովը կազմակերպուած էր  ՍԴՀԿ    Կեդրոնական Վարչութեան կողմէ  եւ    կը   վայելէր   բարձր հովանաւորութիւնը՝  ՀՀ Սփիւռքի նախարարութեան  եւ ՀՀ   «Գիտութիւնների  Ազգային Ակադեմիայի» պատմութեան   ինստիտուտին (հիմնարկ):   Գիտժողովին բացումը կատարեց    Դոկտ.  Աշոտ Մելքոնեան ( ՀՀ ԳԱԱ  պատմութեան հիմնարկի  տնօրէն). Ան իր խօսքով ըսաւ «Այս գիտաժողովի հիմնական նպատակը     Հնչակեան  կախաղաններու   հիմնական  պատճառը բացայայտելն էր: Ինչպէս  գիտէք Թուրքիա միշտ  կը փորձէ առաջ քաշել, որ Հայ ժողովուրդի դէմ գործադրուած  ցեղասպանութիւնը հետեւանք է       Հայերու կողմէ      պատրաստուող դաւաճանութեան  եւ այդ մէկը անհիմն է: Պատմական   հիմնադրոյթները կ’ըսեն, որ Թուրքիոյ   բոլոր արարքները, ատոնց շարքին նաեւ  Հնչակեան  Քսաններու կախաղան հանուիլը   ամբողջութեամբ  փոխկապակցուած են   Թուրքիոյ բանթուրանական  նկրտումներուն հետ: Թուրքիա նախապէս պետականօրէն  պատրաստած  էր  Հայոց Ցեղասպանութիւնը  եւ  նման  գիտաժողովներ յաւելեալ լոյս կը սփռեն պատմական  այդ փաստերուն վրայ»:

Ապա  ելոյթով հանդէս  եկաւ   ՀՀ սփիւռքի նախարար  Տիկն. Հրանոյշ  Յակոբեան:  Տիկին Յակոբեան  մատնանշեց, որ  Քսաններու  նահատակութիւնը ծրագրուած էր   Թուրքիոյ   կողմէ  եւ այն ծրագրուած էր  պետական  մակարդակով: Տիկին նախարարը   ըսաւ՝ «Հայ դատը պետք է չնահանջի, եւ հայ ժողովուրդը պէտք է միասնական  կերպով շարունակի իր պայքարը յանուն արդարութեան: Այս հարցում իր ուրոյն տեղն ունի Սոցիալ-Դեմոկրատ Հնչակեան կուսակցութիւնը, որը 100 տարի առաջ կանգնած է եղել հայ ժողովրդի ազգային ազատագրական պայքարի ակունքներում եւ այսօր էլ սփիւռքի իր կառոյցներով օժանդակում է Հայոց ցեղասպանության ճանաչմանը»:   Տիկն. Յակոբեան իր խօսքի աւարտին նաեւ մատնաշեց, որ  Հայ ժողովուրդը  այսօր ուժեղ է եւ միասնակամ եւ    անոր դիտարկումով  Հայոց Ցեղասպանութեան ճանաչման խնդիրը   միջազգային  հանրութեան օրակարգին վրայ է եւ   նոյն առումով  ճանաչման  երթը անկասելի է   հակառակ անոր, որ  Թուրքիա կը շարունակէ  իր ժխտողական քաղաքականութիւնը:

20-Conference-2Ապա  ներկայացուեցաւ  «Քսանի Լուսաբաց»ը  խորագիրը կրող   ֆիլմը, որ պատմական   փաստերով  պատրաստուած  եւ Քսաններու  նահատակութեան խորհուրդը վեր առնող  վաւերագրական  տեսաֆիլմ մըն է, եւ որ առաջին անգամ կը ցուցադրուէր հանրութեան:

Ապա  հերթաբար  ելոյթներով հանդէս եկան   ՍԴՀԿ  Կեդրոնական  Վարչութեան անդամ ՝  Ընկ. Եղիկ Ճէրէճեան (Քսաններու  Քաղաքական Գնահատականը),  Թուրք  պատմաբան եւ  քաղաքական գործիչ ՝ Քատիր Աքին (Կոտրուած  Շղղթայի Օղակները  Միացնող՝  Փարամազ), գրող հրապարակախօս՝ Գրիգոր Ջանիկեան (Քսաններու Դատավարութիւնը),  պատմական գիտութիւններու թեկնածու ՝  Գեղամ Յովհաննիսեան  (ՍԴՀԿ Իթթիհատ Յարաբերութիւնները Առաջին Աշխարհամարտի Սկիզբը) եւ     պատմական գիտութիւններու  թեկնածու  Մանուկ Ստեփանեան (Անմահ Քսաններու Սխրանքը):

Ելոյթները կը յատկանուշէին պատմական նոր  տուեալներ լոյսին բերելու  եւ  Քսաններու    նահատակութեան օրերուն Թուրքիոյ մէջ տիրող ընդհանուր քաղաքական  իրավիճակին մասին  յաւելեալ   գիտական փաստարկներ  ներկայացնելու  մօտեցումներով:   Նշենք նաեւ, որ  ելոյթներու աւարտին   տեղի ունեցաւ քննարկում:

Ընկ. Եղիկ Ճէրէճեան Կեդրոնական Վարչութեան  անունով     գիտաժողովին փակումը   կատարելով  յայտնեց, որ  սոյն   գիտաժողովը կը համարուի յաջողած:  Ան նաեւ ըսաւ,  որ  գիտաժողովի ընթացքին ելոյթ  ունեցողները   յաւելեալ տեղեկութիւններ ներկայացնելով    փորձեցին տարբեր տեսանկիւններէ   քննարկել Քսաններու եւ  նահատակութեան  խորհուրդը  եւ անոնց նահատակութեան  տուն տուող հիմնախնդիրները:  Ընկ.  Ճէրէճեան յոյս յայտնեց, որ հայրենի պատմագիտական  շրջանակները   յաւելեալ   հետաքրքրութիւն ցոյց կուտան Քսաններու նահատակութեան  վերաբերեալ եւ    մանրամասնօրէն քննութեան կը դրուին      անկիւնադարձային համարուող    դէպքին  բոլոր մանրամասնութիւնները, որովհետեւ  իր ըսելով Քսաններու թեման աւարտած չէ եւ այդ առումով   հայրենի գիտական շրջանակները   յաւելեալ պարզաբանումներ կատարելու   յանձնառութեան  առջեւ են:

Սոցիալ Դեմոկրատ Կուսակցութեան կեդրոնական  վարչութեան կողմէ  կազմակերպուած այս  գիտական     մակարդակի  գիտաժողովը վստահ ենք, որ յաւելեալ լոյս  սփռեց    անոնց նահատակութեան խորհուրդին,Թուրքիոյ այդ օրերու քաղաքական   համայնապատկերին եւ մեր ժողովուրդի ապրած   ծանրագոյն  ոդիսականին վրայ:

0 Comments

Leave a reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

CONTACT US

We're not around right now. But you can send us an email and we'll get back to you, asap.

Sending

©2017 SDHP

Log in with your credentials

Forgot your details?