Հնչակեան Կուսակցութեան պատուիրակութեան տեսակցութիւնները Ուրուկուէյի մէջ

Սոցիալ Դոմոկրատ Հնչակեան Կուսակցութեան Կեդրոնական Վարչութեան պատուիրակութիւնը այցելեց Ուրուկուէյ ու տեսակցութիւններ ունեցաւ պաշտօնական անձնաւորութիւններու հետ:

Կեդրոնական Վարչութեան ատենապետ Ընկ. Յակոբ Տիգրանեան, Վարչութեան անդամներ Ընկ. Վազգէն Գալթաքճեան եւ Ընկ. Սամօ Սարգիսեան, Ուրուկուէյի շրջանի Վարիչ Մարմնի անդամներուն ընկերակցութեամբ տեսակցեցան Ուրուկուէյի Խորհրդարանի միջազգային յարաբերութիւններու յանձնախումբին հետ: Հայ-ուրուկուէյական խորհրդարանական բարեկամութեան յանձնախումբի անդամ Ծերակուտական Ռուբէն Մարթինէզ Հուէլմօ, Տոքթ. Տանիէլ Ռատի’օ Բրեսթէ, Խորխէ Մերոնի եւ Տանիէլ Ֆոնտէ Մանթէս Տէ Օքա արտասանեցին խօսքեր, որոնց մէջ շեշտեցին հայ եւ ուրուկուէյցի ժողովուրդներուն միջեւ բարեկամական յարաբերութիւններուն կարեւորութիւնը, զօրակցութիւն յայտնեցին Հայաստանին ու Արցախին:

Uruguay-SDHP-2 Ընկ. Յակոբ Տիգրանեան շնորհակալութիւն յայտնեց ջերմ ընդունելութեան համար եւ նշեց, որ Հայոց ցեղասպանութեան փաստը առաջինը ճանչցած Ուրուկուէյը յատուկ տեղ ունի իւրաքանչիւր հայու սրտին մէջ: Խօսելով Հնչակեան կուսակցութեան 128 տարուայ պատմութեան եւ գործունէութեան մասին, Ընկ. Տիգրանեան նաեւ անդրադարձաւ հայ դատի հետապնդման աշխատանքներուն, Հայաստանն ու Արցախը յուզող հարցերուն: Կուսակցութեան պատուիրակութիւնը նաեւ շրջագայեցաւ Խորհրդարանին մաս կազմող Ծերակոյտի ու երեսփոխանական ժողովի սրահներուն մէջ:

Կեդրոնական Վարչութեան պատուիրակութիւնը նաեւ արտաքին գործոց նախարարութեան շէնքին մէջ տեսակցեցաւ տնտեսական զարգացման եւ առեւտրական փոխանակումներու հարցերով զբաղող մարմնին հետ: Տեղի ունեցաւ զանազան հարցերու շուրջ տեսակէտերու փոխանակում:

Uruguay-SDHP-3Հնչակեան կուսակցութեան պատուիրակութիւնը աւելի ուշ տեսակցեցաւ նաեւ մայրաքաղաք Մոնթէվիտէոյի քաղաքապետուհի Անա Օլիւերայի հետ: Կողմերը քննարկեցին հայ-ուրուկուէյական յարաբերութիւնները աւելի եւս ամրապնդելու միջոցները:

0 Comments

Leave a reply

Your email address will not be published. Required fields are marked *

*

CONTACT US

We're not around right now. But you can send us an email and we'll get back to you, asap.

Sending

©2021 SDHP

Log in with your credentials

Forgot your details?