Հնչակեան Քսան Կախաղաններու 100-ամեակը արժանավայել կերպով նշուեցաւ Պուէնոս Այրէսի մէջ

Շաբաթ, 20 Յունիս երեկոյեան, Արժանթինի մայրաքաղաք Պուէնոս Այրէսի մէջ արժանավայել շուքով նշուեցաւ Անմահն քսաններու 100-ամեակը` տեղւոյն Շարժում Մշակ Միութեան կազմակերպած Յուշատօնի ընթացքին` Ս.Դ.Հնչակեան Կուսակցութեան Կեդրոնական Վարչութեան հովանաւորութիւնը վայելող սոյն տպաւորիչ ձեռնարկին ներկայ գտնուեցան, մէկ օր առաջ Արժանթին ժամանած Կեդրոնի պատուիրակութեան անդամներ` Ատենապետ Ընկ. Յակոբ Տիգրանեան եւ Ընկ. Վազգէն Գալթաքճեան, Հայ Կաթողիկէ ժողովրդապետութեան հանդիսասրահին մէջ կայացած բազմամարդ այս յուշատօնը իրենց ներկայութեամբ կը պատուէին` Արժանթինի Հայոց Առաջնորդ Գերշ. Գիսակ Արք. Մուրատեան, Հայ Կաթողիկէ Նարեկի Տիրամօր անուան ժողովրդապետ Գերյարգելի Պօղոս Շ. Վրդ. Հաքիմեան, ազգային-քաղաքական բոլոր հոսանքներու, ինչպէս նաեւ գաղութային մարմիններու, միութեանց եւ զանազան հաստատութեանց ղեկավար դէմքերը, եւ գլխաւոր ու բանաւոր մամուլի ներկայացուցիչները£ Յուշատօնը, ինքնաբերաբեր, վերածուեցաւ համազգային յարգանքի, ոգեկոչման եւ պահանջատիրութեան տօնախմբութեան մը` մեծապէս տպաւորելով բոլոր ներկաները:

Հանդիսավարուհի ծանօթ ասմունքող Տիկ. Մարի Մոմճեանի հայերէն եւ սպաներէն լեզուներով արտասանած ողջոյնի եւ բարի գալուստի խօսքէն ետք, Արժանթինի Շրջանի Վարիչ Մարմնի Ատենապետ Ընկեր Տոքթ. Գարլոս Դարբինեան սպաներէն լեզուով անդրադարցաւ օրուան խորհուրդին եւ Քսաններու Յուշատօնին հետ կապ ունեցող որոշ երեւոյթներու. ապա, Արժանթինի դրօշակի օրուան առիթով (որ կը զուգադիպէր նոյն օրուան) թարգմանը հանդիսացաւ ողջ Արժանթինահայութեան, յայտնելով բոլորին երախտագիտութիւնն ու հաւատարմութիւնը երկրին հանդէպ: Ընկերը իր ելոյթի աւարտին, պաշտօնապէս ողջունեց Կեդրոնական Վարչութեան պատուիրակութեան զոյգ անդամներուն ներկայութիւնը Արժանթինի մէջ եւ մասնաւորաբար սոյն հանդիսութեան:

Շարժում Մշակ Միութեան խօսքը բերաւ, Հայերէն լեզուով արտասանուած համապարփակ ելոյթով մը, Ատենապետուհի Ընկ.հի Անի Մուշեան: Ան անդրադարռնալէ ետք զոյգ հարիւրամեակներու միչեւ գոյութիւն ունեցող կապին, իր ելոյթին առաջին բաժնին մէջ յատկապէս ըսաւ . «ՙԵրկու հարիւրամեակներ, երկու լոզունգներ. մէկ ճշմարտութիւն, 100 տարիներ ետք, Հայն ու Հայաստանը կ’ապրին: Կը յիշենք, կը պահանջենք ու կը պայքարինք աշխարհով մէկ՚»: Ապա, վեր առնելէ ետք Շարժում Մշակ Միութեան աւելի քան 100-ամեայ գործունէութեան գլխաւոր երեսներն ու առաջադրանքները, բանախօսուհին իր խօսքը աւարտեց շեշտելով թէ Հնչակեան Կուսակցութիւնը ՙԻր նուիրումն ու զոհաբերութիւնը երբեք չէ սակարկած, Շարժում Մշակ Միութաեն անդամներս ալ համակիրներս եւս, այսօր կ’ընթանանք նոյն ուղիէն կ’ապրինք, կը յիշենք, կը պահապջենք ու կը պայքարինք միշտ մնալով պատնէշի վրայ՚:

ՙՔսաններու Արշալոյսը՚ վաւերագրական-գեղարուեստական ժապաւէնի ցուցադրութիւնը մեծ տպաւորութիւն գործեց բոլոր ներկաներուն ստերէն ու մտքերէն ներս: Քսաններու պատմական առաքելութեան նուիրուած եւ արհեստավարժական բարձր մակարդակոր իրագործուած այս ֆիլմը որ թարգմանուած էր սպաներէնի, մեծ արձագանգ ունեցաւ բովանդակ Արժանդինահայ գաղութէն ներս:

Ծանօթ թատերական գործիչ Գալուստ Ճանսըզեան, որպէս խորք ունենալով Սիամանթոյի մէկ բանաստեղծութիւնը, յուշատօնի մասնակիցներուն ներկայացուց, Քսաններու եւ յատկապէս Փարամազի խօսքերով ու տիպարով համեմուած ինքնատիպ գեղարուեստական մենախօսութիւն մը, որ իրապէս յուզեց եւ ներշնչեց բոլոր ներկաները:

argentina-2Հնչակեան Կեդրոնական Վարչութեան Ատենապետ` Ընկեր Յկոբ Տիգրանեան, որպէս օրուան գլխաւոր բանախօս, ոչ միայն վեր առաւ Անմահն Քսաններու պատմական առաքելութեան իմաստն  ու նշանակութիւնը, այլ շեշտը դրաւ անոնց պատգամին եւ օրինակին անժամանցելիութեան վրայ. Ապա, լուսարձակի տակ առնելով ժամանակակից պահանջերն ու պայմանները, յստակ բնորոշումներով ներկայացուց հայութիւնն ու Հայաստանը շահագռգրող գլխաւոր մարտահրաւէրները, իւրաքանբիւրի մասին յայտնելով իր համոզումներն ու յստակ տեսակէտները:

Իր ելոյթի աւարտին, Ընկեր Յակոբ Տիգրանեան նորահաստատ ՙՓարամազ՚ ոսկեայ շքանշանով պարգեւատրեց Կեդրոնական Վարչութեան անդամ եւ Շարժում Մշակ Միութեան Ատենապետ` վաստակաշատ Ընկեր Սամօ Սարգիսեանի, ներկաներու բուռն շափահարութեանց ներքեւ:

Արժանթինահայ ծանօթ երգիչ, սիրուած թենոր Սերխիօ Չապրազեան, (որ նոյն ատեն մաս կը կազմէ Շարժում Մշակ Միութեան Վարչութեան) դաշնակի ընկերակցութեամբ երաժիշտ եւ հմուտ երգեհոնահար մաէսթրօ Մխիթար Գուտուզեանի, հրամցուց ՙԾիռանի Ծառ՚ եւ ՚Կռունկ՚ երգերը:

Կարդացուեցան զանազան ողջոյնի զօրակցական գիրեր£

Յուշատօնի ակադեմական բաժինը աւարտեցաւ Առաջնորդ Սրբազան Հօր սրտի խօսքով, որմէ ետք յոյտնկայս ունկնդրուեցաւ հազուագիւտ ձայնագրութեամբ, ՙՀեռաւոր Երկիր՚ քայլերքը` մեկանաբանութեամբ Արմէն Կիրակի:

 

 

0 Comments

Leave a reply

Your email address will not be published. Required fields are marked *

*

CONTACT US

We're not around right now. But you can send us an email and we'll get back to you, asap.

Sending

©2021 SDHP

Log in with your credentials

Forgot your details?