Հնչակեան Քսան Կախաղաններու նուիրուած ձեռնարկը Ուրուկուէյի մէջ

20-Uruguay-1

Մոնթեվիտէոյի խորհրդանիշ համարուող «Թէաթրօ Սոլիս»-ի հանդիսութիւններու սրահին մէջ տեղի ունեցաւ Հնչակեան Քսան Կախաղաններու նուիրուած գլխաւոր ձեռնարկը Ուրուկուէյի մէջ:

Ներկայ էին Մոնթեվիտէոյի քաղաքապետուհի Աննա Օլիվերա, Խորհրդարանի անդամ Փապլօ Ապտալա, որ Ուրուկուէյի ներկայացուցիչն էր Երեւանի մէջ տեղի ունեցած Հայոց Ցեղասպանութեան  100-րդ տարելիցին, Առաջնորդ Սրբազան  Յակոբ արքեպիսկոպոս Գլընճեան, Կաղողիկէ վարդապետներ Անթոնիօ Քէչէճեան, Ժենարօ Լուսարարեան, Հայաստանի Հանրապետութեան հիւպատոսի ներկայացուցիչ Ալիսիա Աբրահամեան, Ս.Դ.Հ.Կ.Կեդրոնական Վարչութեան ատենապետ Ընկ.Յակոբ Տիգրանեան, անդամներ վազգէն Գալթաքճեան եւ Սամօ Սարգիսեան:

Հանդիսավարն էր երիտասարդ ընկերուհի Աննա Լաուրա Գինոսեան հայերէն լեզուով եւ պատհերասփիւռի ու ձայնասփիւռի փորձառու եւ համբաւաւոր հաղորդավար Պերճ Ռուբէնեան կատարեցին ձեռնարկին բացումը: Հնչեցին Ուրուկուէյի եւ Հայասատանի պետական օրհներգները: Բացման խօսքով հանդէս եկաւ հայերէն եւ սպաներէն լեզուներով Ս.Դ.Հ.Կ. Ուրուկուէյի Վարիչ Մարմնի ատենապետուհի Անի Կարապետեանը:

Ապա ներկաները դիտեցին «Քսաններու Լուսաբացը» վաւերագրական ֆիլմը սպաներէն թարգմանութեամբ, ձայնագրութիւն՝ Պերկ Ռուբէնեանի եւ թարգմանութիւն՝ Տիեկօ Գարամանուկեանի եւ Յովհաննէս Պոտուքեանի, ընդհանուր յուզումի մթնոլորտի մէջ:

Խօսք առաւ Սրբազան հայրը: Ան խօսեցաւ յուզուած ու բովանդակալից ձեւով սպաներէն եւ հայերէն լեզուներով ու գովեց ձեռնարկը եւ ֆիլմը:

Գեղարուեստական յայտագիրին մաս կազմեցին մայէսթրօ Ալվարօ Յակոբեան դաշնամուրի վրայ եւ ջութակահար Մաթիաս Քրասիուն: Նուագեցին Էտուարտ Պաղտասարեանի եւ Խաչատուր Աւետիսեանի գործերէն կտորներ, արժանանալով բուռն ծափողջոյններու:

Խօսք առաւ Ս.Դ.Հ.Կ. Կեդրոնական վարչութեան ատենապետ Ընկ. Յակոբ Տիգրանեան: Ան վեր առաւ Ուրուկուէյի դերը, որպէս երկիր մը, որ առաջինը ընդունած է հայոց Ցեղասպանութիւնը: Ան յայտնեց թէ Ուրուկուէյը յատուկ տեղ ունի իւրաքանչիւր հայու սրտին մէջ:

20-Uruguay-2Այս առիթով նորահաստատ Ս.Դ.Հ.Կ.«Փարամազ» մետալով պարգեւատրուեցան ընկերներ՝ Պօղոս Աճեմեան,  Ենովք Ասլանեան եւ Երուանդ Կանիմեան:

Ձեռնարկը իր աւարտին հասաւ Ս.Դ.Հ.Կ.քայլերգով:

0 Comments

Leave a reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

CONTACT US

We're not around right now. But you can send us an email and we'll get back to you, asap.

Sending

©2017 SDHP

Log in with your credentials

Forgot your details?