Հնչակեան Քսան Կախաղաններու հարիւրամեակի նշումը Գանատայի Մոնրէալ քաղաքին մէջ

montreal-1

Հնչակեան Քսան Կախաղաններու հարիւրամեակի հանդիսութիւնները, որոնք ամիսէ մը է վեր կը նշուին աշխարհի տարբեր քաղաքներու մէջ, նշուեցաւ նաեւ Գանատայի Մոնրէալ քաղաքին մէջ, Շաբաթ, 27 Յունիս 2015-ին, Թէքէեան Մշակութային Միութեան սրահին մէջ: Ձեռնարկը կը վայելէր հովանաւորութիւնը Ս. Դ. Հնչակեան Կուսակ ցութեան Կեդրոնական Վարչութեան, որու ատենապետ` Ընկ. Յակոբ Տիգրանեանն ու անդամներ` Ընկ. Վազգէն Գալթաքճեանն ու Ընկ. Խաչիկ Քէշիշեանը Մոնրէալ եկած էին մասնակից ըլլալու հանդիսութեան: Ներկայ էին Գանատայի Թեմի Բարեջան Առաջնորդ Տէր Աբգար Եպիսկոպոս Յովակիմեան, տեղական ազգային քոյր կազմակերպութիւններու եւ միութիւններու ներկայացուցիչներ եւ սրահը ամբողջութեամբ լեցնող հասարակութիւն մը:

Գանատայի եւ Հայաստանի պետական օրհներգներու եւ Հնչակեան քայլերգի ունկնդրութենէն անմիջապէս ետք, հանդիսավար Ընկ. Գրիգոր Թաթուլեան իր բացման խօսքով դրուատեց Քսաններու անձնուիրութիւնը:

Բծախնդրօրէն պատրաստուած հանդիսութեան մեծ մասը յատկացուեցաւ Լիբանանէն յատկապէս հրաւիրուած հանրածանօթ արուեստագիտուհի եւ Պէյրութի «Արարատ» օրաթերթի տնօրէն` Ընկերուհի Անի Սարաֆեան-Եփրեմեանին: Վերջինս ամբողջ մէկ ժամ իր բարձրորակ կատարողութեամբ հմայեց ներկաները, ասմուն քելով ընտիր բանաստեղծութիւններ (15 կտոր) ազգային եւ հայրենասիրական նիւթերով: Անցեալ տարի, ան նոյն առիթով հրաւիրուած էր Թորոնթօ եւ Մոնրէալ, ուր մեծ խանդավառութիւն եւ տպաւորութիւն թողած էր հանդիսատեսներուն վրայ: Ասմունքը հաճելի ընդհատում մը ունեցաւ, երբ հայրենի վարպետ տուտուկահար Վաղօ Ադամեանը տուտուկի վրայ քանի մը կտորներ նուագեց:

Գեղարուեստական բաժնէն ետք տեղի ունեցաւ գնահատագրերու տուչութիւն` Մոնրէալի հայ երիտասարդութիւնը գործունեայ ձեւով ներկայացնող ՀԲԸՄ-ի Սկաուտական Մարմնին եւ ՀՅԴ ԳԵՄ երիտասարդականին, որոնք ժրաջան աշխատանք տարած էին Հայոց Ցեղասպանութեան հարիւրամեակին առթիւ եղած ձեռնարկները յաջողցնելու համար:

Ապա, խօսք տրուեցաւ օրուան բանախօս, Ս. Դ. Հնչակեան Կուսակցութեան Կեդրոնական Վարչութեան ատենապետ` Ընկ. Յակոբ Տիգրանեանին, որ Քսաններուն մասին խօսելէ եւ անոնց փառաբանութիւնը կատարելէ ետք, ներկաներուն մանրամասնօրէն բացատրեց Մայր Կուսակցութեան յառաջիկայի աշխատանքային ծրագիրն ու յայտագիրը եւ շեշտեց թէ Համազգային Հռչակագրով միացած հայութիւնը պիտի շարունակէ պայքարիլ հայկական բռնագրաւուած իրաւունք ներու վերատիրացման համար:

0 Comments

Leave a reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

CONTACT US

We're not around right now. But you can send us an email and we'll get back to you, asap.

Sending

©2017 SDHP

Log in with your credentials

Forgot your details?