ՅԱՅՏԱՐԱՐՈՒԹԻՒՆ

sdhp-logo-large-web

Սոցիալ Դեմոկրատ Հնչակեան Կուսակցութեան Կեդրոնական Վարչութիւնը կ’ողջունէ  Գերմանիոյ խորհրդարանին  կողմէ Հայոց Ցեղասպանութեան փաստը ճանչնալու բանաձեւը:

101  Տարի առաջ  հայ ժողովուրդին դէմ   գործադրուած արհաւիրքը ցարդ կը մնայ անպատիժ: Գերմանիոյ խորհրդարանի անդամներուն  ներկայացուցած թէզերը  եւ դատապարտումը   հայութեան դէմ գործուած ցեղասպանութեան լաւագոյն ապացոյցն են, այն   վառ  գիտակցութեան, որուն   հիմքով   20-րդ դարու առաջին Ցեղասպանութիւնը   ճանչցուեցաւ   Գերմանիոյ մէջ:

Հայ ժողովուրդին դէմ գործուած Ցեղասպանութեան փաստին   ընդունումը       տասնեակ երկիրներու  խորհրդարաններու կողմէ  այսօր Պէրլինի  Պունտեսթակի  կամարներուն  տակ նոր  վաւերականութիւն  կը ստանայ:

Ու հակառակ Անգարայի  իրականացուցած ճնշումներուն Գերմանիոյ խորհրդարանականները քաջութեամբ դիմակայեցին եւ յանուն արդարութեան   ճանչցան անուրանալի    փաստը:

Պատմութեան ճիշդ գնահատականը կատարելու իր ճիգին մէջ   Գերմանիոյ  խորհրդարանը   նաեւ լաւ  պէտք է քննէ  1914-էն մինչեւ   1918 երկարած եւ  հայ  ժողովուրդի համար խիստ ճակատագրական համարուող ժամանակահատուածը: Ու այդ շրջանին էր նաեւ, որ  Կայսերական Գերմանիան Օսմանեան Կայսրութեան հետ իր կնքած  դաշինքի  հանգամանքներէն ելլելով անտարբեր եւ   գրեթէ կոյր   ձեւացաւ  մեր ժողովուրդին դէմ գործուած ամէնէն դաժան    բարբարոսութիւններուն դիմաց:

Լիայոյս ենք, որ նման  մօտեցումներ յաւելեալ խթան կը հանդիսանան, որպէսզի  ճանաչման հիմքով ամրագրուած  համամարդկային  մեր  ցաւը      մուտք գործէ  հատուցման փուլ:

Կը հաւատանք, որ միայն հատուցման ճանապարհով է, որ  տառապանքներու մէջէն անցած մեր ժողովուրդը իր արդար  պահանջներուն պիտի հասնի:

Այդ ճիգերուն մէջ կարեւոր ու նկատելի տեղ  կը գրաւէ   Գերմանիոյ խորհրդարանին այս արդար մօտեցումը, որուն համար մենք  երախտապարտ ենք:

Ս.Դ.Հ.Կ. Կեդրոնական Վարչութիւն

03-06-2016

0 Comments

Leave a reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

CONTACT US

We're not around right now. But you can send us an email and we'll get back to you, asap.

Sending

©2017 SDHP

Log in with your credentials

Forgot your details?